Фелиш: "ВАР бўлмаса ўйин қизиқроқ бўлади"

Жорий мавсумда "Челси"да ижара асосида ўйнаётган "Атлетико" Мадрид ҳужумчиси Жоау Фелиш ВАР тизимига бўлган муносабати ҳақида гапирди.

"ВАР кўп хатоларни бартараф қилади, аммо футбол бу хатолардан ташкил топган ўйин. Футболчилар ҳам, ҳакамлар ҳам хато қилади.

ВАР бўлмаса, бу ўйин қизиқроқ бўлар эди. Хатолар баҳс-мунозараларга сабаб бўлади ва шуниси футбол", - дея португалияликнинг сўзларини ёзади "Daily Mail" нашри.

Маълумот учун, 22 ёшли португалиялик ҳужумчи бу мавсумда АПЛда атиги бир марта майдонга тушди ва қизил карточка олди.