Фелишни Бразилияда кутишяпти

Жоау Фелиш ёзда  Бразилиянинг "Фламенго" клубига ўтиши мумкин. Бу ҳақда "Sky Sports" нашри маълум қилди.

Манба маълумотларига кўра, Бразилия клуби ярим ҳимоячини КЎЖЧга тайёргарлик кўриш учун ўз сафига қўшиб олмоқчи. Мусобақа 15 июндан 13 июлгача АҚШда ўтказилади.

Бразилия клуби раҳбарияти турнирда муваффақиятга эришишни мақсад қилмоқда ва биринчи ўйинга қадар жамоани кучайтириш ниятида. "Челси"га тегишли португалиялик футболчи клубнинг асосий мақсадларидан бири ҳисобланади. Унинг февраль ойидан бери 16 та ўйинда иштирок этган "Милан"даги ижараси якунланмоқда. Милан клуби келишувни узайтиришни режалаштирмаяпти.

Португалиялик футболчининг Лондон клуби билан яна 6 йиллик шартномаси мавжуд. Ҳозирча унинг Бразилияга ижарага берилиши энг эҳтимолий вариант бўлиб турибди. Агар шундай бўлса, Фелиш 20 июнь куни "Фламенго"нинг КЎЖЧ доирасида ўтадиган иккинчи ўйинида "Челси"га қарши майдонга тушиши мумкин.