«Фенербахче» Этан Мбаппега қизиқиш билдирмоқда

«Лилль»нинг ёш француз ярим ҳимоячиси Этан Мбаппе Туркиянинг топ-клубларидан бири қизиқиш доирасига тушди.

Инсайдер ва журналист Экрем Конур маълумотига кўра, 19 ёшли француз футболчиси «Фенербахче» сафига ўтиши мумкин. Туркия клуби Килиан Мбаппенинг укасига қизиқиш билдирмоқда.

Таъкидлаш жоиз, Этаннинг «Лилль» билан амалдаги шартномаси 2027 йил ёзига қадар мўлжалланган. Айни вақтда мутахассислар ёш француз футболчисининг трансфер қийматини 12 миллион еврога баҳоламоқда.

Эслатиб ўтамиз, Этан Мбаппе жорий мавсумда Франция чемпионати доирасида «Лилль» сафида 5 та учрашувда майдонга тушиб, 1 та гол урди. Бунга қадар Этан «ПСЖ»да тўп тепган.