Фернандеш: "Ҳозир ошириб юбормаслик биз учун жуда муҳим"

"Манчестер Юнайтед" АПЛ'нинг 25-турида "Тоттенхэм"ни ўз майдонида қабул қилиб, 2:0 ҳисобида ғалаба қозонди. Учрашувдан сўнг ўйинда битта гол урган ва "энг яхши футболчи" совринини қўлга киритган Бруну Фернандеш ўз фикрлари билан ўртоқлашди. 

"Ғалаба қозонганимиз сари ўзимизга бўлган ишон ортиб бораверади. Айни пайтда фокусни сақлаш ва ошириб юбормаслик биз учун жуда муҳим. Биз яна бир ёки иккита гол уришимиз мумкин эди, лекин паст блокка қарши бу осон эмас. Улар агрессия билан ҳам ҳаракат қилишди ва 10 киши билан бўлса ҳам яхши ҳимояланишди".

Гол ҳақида: "Ўйинга нуқта қўйишмиз керак эди. Биз майдонда назоратни қўлга олгандик, лекин ҳар қандай вазиятда ҳолат ўзгариб кетиши мумкин. Баъзилар мени гол урган вазиятимда атайлаб бундай ҳаракат қилмаган, дейишлари мумкин. Аммо мен атайин шундай зарба бердим". 

Эслатиб ўтамиз, "қизил иблислар" кетма-кет 4-ғалабасини қўлга киритди. Кейинги рақиб эса "Вест Хэм".