Фернандеш Саудия клубларидан бўлган улкан таклифларни рад этгани ҳақида гапирди

"Манчестер Юнайтед" ярим ҳимоячиси Бруну Фернандеш Саудия Арабистони клубларидан унга жиддий қизиқиш бўлганини маълум қилди.

“Молиявий жиҳатдан жуда фойдалари таклифлар бор эди. "Ал-Ҳилол"ҳамда бошқа Саудия ва Европа клублари мен билан боғланди. Аммо жавобим қатъий эди —"йўқ".

“Мен мураббий Рубен Аморим билан суҳбатлашдим. У менга: "Сен ҳали ҳам жамоа лойиҳасининг муҳим қисмисан’', деди. Клуб ҳам шундай фикр билдирди. Мен эса доимо айтганман — агар клуб менга: ‘'Бруну, биз сени сотмоқчимиз, энди 30 ёшдaсан’', десе, мен буни тўғри қабул қилган бўлардим ва оилам учун энг тўғри қарорни танлаган бўлардим. Шунда, албатта, кетган бўлардим. Аммо бу сафар ундaй бўлмади. Мен ҳали ҳам жамоанинг режаларида борлигимни, клубга мақсадларига эришишда ёрдам бера олишимни ҳис қилдим. Шу сабабли қолишга қарор қилдим.”

Фернандеш, шунингдек, “Манчестер Юнайтед” тарихидаги сўнгги йирик трансферлар ҳақида ҳам фикр билдирди:

“Клубнинг энг сўнгги катта трансфери, эҳтимол, Дэниэл Жеймс учун 25 миллион фунт бўлган ёки  Мактоминей бироз кўпроқ суммага кетгандир. Аммо "Ал-Ҳилол" мен учун 80–100 миллион фунт тўлашга тайёр эди!”

“Аморим менга шундай деди: ‘'Биз сени қўйиб юбормоқчи эмасмиз. Агар янги футболчиларни олиб келсак ҳам, сени йўқотсак, барибир жамоа кучсизланади. Биз сени сақлаб қолмоқчимиз.’'

Футболчи оиласи билан бўлган суҳбатни ҳам эслаб ўтди:

“Хотиним мендан сўради: ‘Клуб билан ўзинг хоҳлаган нарсаларга эришдингми?’ У билади — мен ҳали орзуларимга тўлиқ эришганим йўқ. Олдимга қўйган мақсадларим ҳали амалга ошгани йўқ. Менинг мақсадим аниқ: ‘Манчестер Юнайтед’ билан Англия Премьер-лигаси ва Чемпионлар лигасини ютмоқ,” — деди португалиялик юлдуз.