Ферран Торрес ПСЖга ўтгани ҳақида фикр билдирди

Испания терма жамоаси ярим ҳимоячиси Ферран Торрес «Барселона»дан ПСЖга ўтгани ҳақида фикр билдирди.

Унинг таъкидлашича, Париж клуби бош мураббийи Луис Энрике унга ишонгани ва доим қўллаб-қувватлагани учун бу трансфер амалга ошган. Торрес шу ишончни жорий мавсумда майдондаги ўйини билан оқлашни мақсад қилганини айтди.

«У менга ҳужум чизиғидаги учала позицияда ҳам ўйнаш имконини берди. Бир нечта позицияда ҳаракат қила олиш ҳам жамоа, ҳам мен учун фойдали. Луис Энрике қилган энг асосий иш – менга ишонч бағишлагани», – дея Ферран Торреснинг сўзларини As нашри келтиради.

Ферран Торрес Франция клуби сафида аллақачон икки ўйин ўтказди ва шу вақт ичида икки марта рақиб дарвозасини ишғол қилишга муваффақ бўлди.