Февзи Давлетов: "Қўпол хато голга сабаб бўлди"

Суперлигада 17-тур ўйинлари давом эттирилди. "Сурхон" жамоаси бу тур "Навбаҳор"га қарши баҳс олиб борди ва 0:1 ҳисобида имкониятни бой берди. Беллашувдан сўнг жамоа бош мураббийи Февзи Давлетов матбуот анжуманида иштирок этди.

"Жуда аламли мағлубиятга учрадик. "Навбаҳор" 4 кун кўпроқ дам олгани сезилди. Биз эса, "Пахтакор" билан оғир учрашув ўтказдик. Бизга ҳаракат етишмади. Қўпол хато голга сабаб бўлди. Агар хато қилсак, ўйинга қайтишимиз қийин бўлар эди. Буни билар эдик. Иккинчи бўлимда ўзгаришлар қилдик, аммо вазият ярата олмадик. Агрессия етишмади. 
"Андижон" билан кубокдаги баҳс ҳақида фикрингиз?

Бизни осон бўлмаган беллашув кутиб турибди. Бу ярим финал эканлигини барча жамоа билиб турибди. Ғалаба финал йўлланмасини беради. 
Дилшод Йўлдошевнинг жароҳати ва Даврон Мергановнинг ҳаракатлари ҳақида фикрингиз?

Ўйлашимча, сентябрь ойида Йўлдошевнинг масаласи тўлиқ ҳал бўлади. Даврон яхши ўйин ўтказди. Унда ҳеч қандай муаммо йўқ", - дедии Давлетов.