ФИДЕ: "Гоада бир ой давомида шахматчилар нима истеъмол қилди?"

Гоада ўтказилган Жаҳон кубоги бир ой давом этди. У ердаги овқатлар хилма-хиллиги ҳақидаги баҳс ҳам гўёки якунига етгандек эди. Аммо ФИДЕ матбуот хизмати яна бир бор бу масалага ойдинлик киритишни истади.

"Биз ҳозир Resort Rio меҳмонхонасининг овқатланиш залидамиз ва сизларга охирги бир ой давомида олаётган таомларимиз қай даражада ажойиб бўлганини кўрсатмоқчимиз. Бу ерда ҳамма турдаги овқатлар мавжуд. Турли анъаналарга мансуб халқаро таомлар, шунингдек, ҳинд ошхонаси ҳам бор. Келинг, бугун менюда нима бор — кўриб чиқамиз", — дейди Шарлиз.

Шу билан бир вақтда ChessBase India ҳам ёпилиш маросимидаги буфет қай даражада бой бўлгани ҳақида видео эълон қилди. Ишончимиз комилки, шахматчиларда етарли егулик бўлган — эндиликда бизни ишонтиришнинг ҳожати йўқ. 

Маълумот учун, ушбу мусобақада Жавоҳир Синдаров бош совринни қўлга киритди.