FIDE рейтинг жадвали май ойига кўра янгиланди: Икки шахматчимиз ТОП-5'да

Ҳамюртларимиз Нодирбек Абдусатторов ва Жавоҳир Синдаров дунёнинг ТОП-5 шахматчилари қаторидан жой олишди. 
 
17-жаҳон чемпиони Динг Лирен эса расман шахматга қайтди. 
 
Эслатиб ўтамиз, 2025 йил давомида Динг бирорта ҳам классик (FIDE рейтингига кирадиган) партия ўйнамади ва бир нечта кучли турнир таклифларини рад этди. Натижада, Гукеш билан кечган оғир баҳсдан бир йил ўтиб — 2025 йил декабрьида FIDE уни "ноактив ўйинчи" сифатида расмий рейтингдан чиқариб ташлаган эди. 
 
Энди эса, 2026 йил апрель ойида у Хитой жамоавий чемпионатида иштирок этиб, яна классик шахматга қайтди ва рейтингда қайта пайдо бўлди.