FIFA 23'да энг юқори рейтинг баллга ким эга чиқиши маълум

Килиан Мбаппе FIFA 23'да энг юқори рейтингга эга бўлади. Бу ҳақда "FUTZone" нашри хабар берди. 

Маълум бўлишича, франциялик форвард 92 рейтинг балл билан энг юқори ўринни банд этади. Шундай бўлган тақдирда, у ўтган йили 93 балли кўрсаткич қайд этган Лионель Мессини ортда қолдиради. 

Қайд этиш лозим, инсайдер Том Хендерсон FIFA 23 30 сентябрда чиқиши ҳақида хабар тарқатган. 

Ўтган мавсумда Мбаппе Франция чемпионати доирасида 28 та ўйинда майдонга тушиб, 28 та гол ва 18 ассист муаллифига айланган.