ФИФАга шикоят киритилди! Диоманденинг "Реал"га трансфери агентлар можароси сабаб чўзиляпти

«РБ Лейпциг» вингери Ян Диоманденинг «Реал»га ўтиши агентлар ўртасидаги можаро сабаб чўзилмоқда, деб хабар бермоқда As нашри.

Маълумотларга кўра, Кот-д’Ивуар терма жамоаси таркибида тўп сураётган 19 ёшли футболчининг аввалги вакиллари – Maxidel Management компанияси ҳозир унинг манфаатларини ҳимоя қилаётган Roc Nation агентлигини шартнома талабларини бузишда айбламоқда. Roc Nation ҳозир Диоманде вакили  сифатида «Реал Мадрид» билан музокараларда иштирок этмоқда.

Можарони ҳал этиш йўлларидан бири сифатида футболчига вақтинчалик лицензия бериш варианти кўриб чиқилмоқда. Бу орқали умумий битим қиймати ва агентлик тўловлари аниқлаштирилгунча трансфер жараёнини давом эттириш мумкин бўлади. Ҳар икки клуб ҳам жараённинг тўлиқ шаффоф бўлишидан манфаатдор, чунки комиссияни нотўғри агентликка тўлаш кейинчалик жарима санкцияларига олиб келиши мумкин.

Аввалроқ тарқалган хабарларга кўра, «Реал» Диоманде учун «РБ Лейпциг»га бонусларини ҳисобга олган ҳолда 135 миллион еврогача тўлов амалга ошириши кутилмоқда.