28 сентябрь куни Таиланд футболида катта воқеалик юз берди. Мамлакатнинг кўзга кўринган биринчи рақамли жамоаси "Бурирам" Таиланд Лига Кубоги финалида "Прачуап" жамоасига мағлуб бўлди.

Эътиборли томони "Прачуап" таркибида ҳамюртимиз Артём Филипосян учрашувда тўлиқ ҳаракат қилди ва пенальтилар сериясида гол уриб, жамоасининг ғалабасига катта ҳисса қўшди. Бундан ташқари, "Пахтакор"нинг собиқ легионери Аднан Ораховац ҳам Филипосяннинг жамоадоши ҳисобланади.

Учрашув кескин ва қизиқарли тарзда кечди ва 1:1 ҳисобида якунига етди. Беллашувдан кейинги пенальтилар сериясида "Прачуап" клуби 8:9 ҳисобида ғалабани қўлга киритиб, ўз тарихида илк бор чемпионликни нишонлади.

Таиланд Лига Кубоги халқаро миқёсга йўлланма бермаса-да, ушбу турнирга мамлакатда қизиқиш ва эътибор жуда юқори.

Маълумот учун, "Прачуап" клуби Таиланд чемпионатида иккинчи йил қатнашмоқда ва жорий мавсумда 27-турдан сўнг, 8-ўринни банд этиб турибди.