Финал учун боримизни бердик! Тухель ҳеч ким учинчи ўрин учун ўйнагиси келмаётганини уқтирди

Жаҳон чемпионатида учинчи ўрин учун Францияга қарши баҳс олдидан Англия терма жамоаси бош мураббийи Томас Тухель матбуот анжуманида ўз фикрларини билдирди.

Англия ярим финалда Аргентинага 1:2 ҳисобида мағлуб бўлди, Франция эса Испанияга 0:2 ҳисобида имкониятни бой берди.

- Биз доим ўз олдимизга энг юқори талабларни қўямиз – бу курашга ўрганган инсонларнинг табиати. Шу боис келаётган ўйинга муносабат ҳам бошқачароқ. 

Ҳеч бир футболчимиз, худди французлар каби, бу ўйинда майдонга тушишни орзу қилмаган. Улар финалда ўйнашни истаган.

Биз финалга чиқиш учун бор кучимизни сарфладик. Ҳар бир футболчи жаҳон чемпиони бўлиш учун майдонга тушади, аммо вазият шундай кечди. 

Ҳа, тикланиш учун Францияга нисбатан бир кунга камроқ вақтга эгамиз, лекин барчасига қарамай, бу ўйинга профессионал тарзда тайёрланамиз, – деди Тухель матбуот анжуманида.