Финалда аргентиналик мухлисларнинг катта армияси иштирок этади

Хабарингиз бор, эртага ЖЧ финали бўлиб ўтади. Франция ва Аргентина терма жамоалари ўртасидаги ўйинни томоша қилиш учун 50 000га яқин аргентиналик мухлис ташриф буюради.

L'Equipe хабарига кўра, стадионда ўз жамоасини олқишловчи 6000 га яқин француз бўлиши кутиляпти. Учрашув 88 969 томошабинга мўлжалланган "Лусаил" стадионида бўлиб ўтади. Бундан келиб чиқсак, аренанинг ярмидан кўпи жанубий америкаликларни ташкил қилади.

Аргентина ярим финалда Хорватияни таслим этган бўлса, французлар Марокаш устидан ғалаба қозонган эди. Финал олдидан "уч ранглилар"нинг бир қатор футболчилари шамоллаш туфайли баҳсда иштирок эта олмасликлари мумкинлиги ҳақида хабарлар тарқалди.

Эслатиб ўтамиз, ЖЧ-2022 финали 18 декабрь, якшанба куни Тошкент вақти билан 20:00да бўлиб ўтади.