Финалданда қизиқроқ ўтиши кутилаётган учрашув ҳақида!

Хабарингиз бор,  бугун Клублар ўртасидаги Жаҳон чемпионатининг ярим финал баҳсининг навбатдаги учрашуви  бўлиб ўтади. Мазкур босқичда "Реал" ва ПСЖ ўзаро куч синашади. Ҳозир эса ҳар иккала жамоанинг ярим финалгача босиб ўтган йўлини кўриб чиқамиз.
"Қаймоқранглилар" чемпионатда "H" гуруҳидан ўрин  олган бўлиб,  икки ғалаба ва бир дурранг қайд этди. Нимчорак  финалда "Ювентус" таслим этилди. Чорак финалда  эса нисбатан кучсизроқ рақиб дея айтилган "Боруссия Д" билан кечган баҳсда Гонсало Гарсиянинг  голи Хаби Алонсо шогирдларининг ғалабаси учун етарли бўлди.

Навбат парижликларга.  Клублар ўртасидаги Жаҳон чемпионатида французлар "Б" гуруҳидан ўрин олган эди. Луис Энрики шогирдлари икки ғалаба ва бир мағлубият билан гуруҳдан чиқди.  Нимчорак финалдаги рақиб Хавьер Маскерано бошчилигидаги "Интер Майами" клуби бўлди.  Бу учрашувда Америка жамоасига ПСЖ  ҳеч қандай имконият қолдирмаган ҳолда чорак финалга чиқди. Навбатдаги баҳс Мюнхеннинг "Бавария"сига қарши кечди. Жанговар тўқнашувларда кечган ўйинда  парижликлар ишончли ғалаба  қозонди.  

Бугун эса сарлавҳада келтирилганидек, финал олдидан финал бўлиши кутилмоқда. Бунга яққол  исботни икки клубнинг оҳирги пайтларда қилаётган натжаларида кўришингиз мумкин.  Шуниси ҳам аниқки, бу ерда аниқ фаворит деб кўпчилик ПСЖ ни эътироф қилмоқда.  Аслида ҳам шундайдир. Бироқ "қироллик клуби" ҳам анойи жамоалардан эмаслигини биламиз. Жамоа ўтган мавсумда бироз омадсизликка учраган бўлсада, айни дамда ушбу турнирда энг яхши натжаларни қайд этди. Турнирнинг  тўпурарлар рейтинггида энг яхши кўрсаткични Гонсало Гарсия бўлиб турибди. Ассистлар борасида ҳам "Реал" футболчиси Арда Гюлер етакчи бўлмоқда.

Эслатиб ўтамиз, "Челси" биринчи финалчига айланди. Бугун иккинчи финалчи номи маълум бўлади.

Оғабек Хурсанов