"Фиорентина" футболчиси ўйин вақтида ўзини йўқотиб қўйди ва у шифохонага олиб кетилди

"Фиорентина" ярим ҳимоячиси Гаэтано Кастровилли А Сериянинг 21-турида "Женоа" (0:0) га қарши учрашув давомида ҳушини йўқотди.

Футболчи беллашувнинг 65-дақиқасида ўзини ёмон ҳис этгани учун алмаштирилди.

"Фиорентина" бош мураббийи Жузеппе Якини айтишича, Кастровилли нима бўлганини, қандай позицияда ўйнаётганини ва ҳатто қаерда эканлигини эслай олмади.

Маълумотларга кўра, 22 ёшли италиялик тиббий кўрикдан ўтиш учун маҳаллий касалхонага ётқизилган, унга акаси ва қиз дўсти ҳамроҳлик қилган.