Фирмино "Реал"нинг "шорт-лист"ида

Мадриднинг “Реал” клуби ҳужумчи Роберто Фирминога қизиқиш билдирмоқда.

Таниқли инсайдер Фабрицио Романонинг фикрича, бразилиялик форвард Мадрид клуби томонидан кўриб чиқилаётган 4-5 ҳужумчилар рўйхатига киритилган.

Фирмино билан музокаралар олиб борилмаётган бўлсада, клубда фақат унинг номзоди бўйича ички муҳокамалар давом этмоқда.

Роберто ёзда эркин агентга айланади ва "Ливерпуль"ни тарк этади. 32 ёшли ҳужумчи жорий мавсумда АПЛда 24 баҳсда иштирок этиб, 10 та гол урди ва 4 та самарали узатмани амалга оширди.