Флик аламли мағлубият сабабини айтди

Испания чемпионатида пешқадамлик қилаётган “Барселона” 15-тур учрашувида кўп минг сонли мухлислар кўз ўнгида “Лас-Пальмас”дан 1:2 ҳисобида  мағлубиятга учради.

Учрашувдан кейин каталонияликлар бош мураббий шогирдларининг ўйини бўйича ўз фикр-мулоҳазаларини айтиб ўтди.

- Биз яхши ўйнай олмадик, лекин жамоа ижобий натижага эришиш учун охиригача кураш олиб борди. Футболчиларимиз иккинчи бўлимда яратилган вазиятлардан унумли фойдалана олмади. Бугун бизнинг кунимиз эмас экан.

Ўйинни назорат қилсак, яхши натижага эриша оламиз, хавфли вазиятлар яратамиз. Муаммо шундаки, биз илгари киритган голларимизни бу гал уролмадик.

Ўзгаришимиз керак, яхшироқ ҳимояланишимиз шарт, мантиқни ишлатиш зарур. Дарвоза дахлсизлигини сақлаб қолиш, бу бутун жамоанинг вазифаси, - деди Ханс-Дитер Флик.