Флик “Барса”нинг трансфер музокараларини тўхтатди
“Барселона” бош мураббийи Ханс-Дитер Флик жамоа Испания чемпиони унвонини математик жиҳатдан таъминлаб олмагунча ҳар қандай трансфер музокараларини тўхтатишни сўради.
Бу ҳақда Mundo Deportivo хабар бермоқда.
Манба маълумотига кўра, немис мутахассиси футболчиларига салбий таъсир кўрсатиши мумкин бўлган ҳар қандай трансфер миш-мишларидан қочмоқчи.
Флик ва клубнинг спорт директори Деку келаси мавсум учун аллақачон режа тузиб қўйган, бироқ мураббий жамоани тарк этадиган футболчилар рўйхатини фақатгина чемпионлик масаласи ҳал қилинганидан кейин ошкор қилишни афзал кўрмоқда.
Испания чемпионатининг 31 туридан кейин “Барселона” 79 очко тўплаб, биринчи ўринни эгаллаб турибди ва энг яқин таъқибчиси “Реал”дан тўққиз очко олдинда. Ла Лига мавсуми тугашига яна етти тур қолган.
Фикрлар