Флик "Барселона" билан ҳали янги шартномани имзоламади

Флориан Плеттенбергга кўра, "Барселона" ва Ханс-Дитер Флик янги шартнома бўйича музокараларни илгари сурмоқда. Гап шундаки, шартнома 2027 йилгача амал қилиши кутилмоқда.

Флик клубда ўзини жуда қулай ҳис қилмоқда ва Жоан Лапорта унинг ишидан жуда мамнун. Барчаси янги шартнома тўғрисида келишувга келганини кўрсатмоқда.

Аммо шартномани расман эълон қилиш, "Барселона"нинг требл учун курашиб юрганлиги сабабли, мавсум тугагачга қадар кечикиши мумкин.

Ҳозирда германиялик мутахассис қўл остидаги каталонияликлар Чемпионлар лигасининг ярим финалида "Интер" билан куч синашади. Испания кубогида эса Анчелоттининг "Реал"и билан тўқнаш келади. Ички чемпионатда эса "кўк-анорранглилар" "қироллик клуби"дан 7 очко олдинда.