Флик “Барселона”нинг Чемпионлар лигасидан чиқиб кетганига муносабат билдирди

“Барселона” бош мураббийи Ханс-Дитер Флик жамоасининг Европа Чемпионлар лигасидан чиқиб кетишига изоҳ берди. Каталонияликлар чорак финалда “Атлетико Мадрид”га икки ўйин натижасига кўра (0:2, 2:1) мағлуб бўлди.

“Биз хафамиз. Бизда жуда кўп имкониятлар бўлди. Ҳисобни 3:0 кўринишига келтиришимиз мумкин эди, аммо аксинча гол ўтказиб юбордик. Шу боисдан ҳам хафамиз.

Биз ажойиб ўйин кўрсатдик. Ўйинни ўн киши бўлиб якунладик, аммо жамоа жуда яхши ҳаракат қилди. Бугун кўрганларимни юқори баҳолайман. Бизга шунчаки омад етишмади. Бундай ҳолатлар бўлиб туради, буни қабул қилиш керак.

Бу футбол. Барчасини майда деталлар ҳал қилади. Албатта, айрим жиҳатларни яхшилашимиз керак, аммо жамоанинг менталитети ва муносабати юқори даражада бўлди. Йигитлар бор кучини берди. Айнан шуни кўришни истаймиз. Улар ажойиб ўйин ўтказди, аммо натижага эриша олмадик”, — деди Флик.