Флик Педри ҳақида: "У жуда муҳим футболчи"

"Барселона" Ла Лиганинг 7-туридан ўрин олган учрашувда "Реал Сосьедад"ни 2:1 ҳисобида мағлуб этди.

Каталонияликлар бош мураббийи Ханс-Дитер Флик мазкур тўқнашувдан сўнг Педрининг ўйинига юқори баҳо берди:

"Педри – махсус футболчи. Унинг лидерлик сифати кун сайин ортиб бормоқда. У жуда муҳим ва ажойиб футболчи. Майдонга тушганда ҳар ерда бордек кўринади. Бизга тўп назоратини беради ва қаерда бўлиши кераклигини яхши билади. Жуда кучли футболчи. Френки де Йонг билан бирга жамоа ўйинини аъло даражада ташкиллаштиришади. Мен бу лаҳзалардан завқ оляпман", – деди "Бавария"нинг собиқ мутахассиси.

Эслатиб ўтамиз, "кўк-анорранглилар" Чемпионлар лигасининг 2-турида Франциянинг ПСЖ клуби билан тўқнаш келади. Ушбу беллашув эса 1 октябрь куни соат 00:00’да старт олади.