Флик ПСЖ юлдузини олиб келишни талаб қиляпти

Португалия миллий терма жамоаси ва Франциянинг “Пари Сен-Жермен” клуби қанот ҳимоячиси Нуну Мендеш Ла Лиганинг топ-клубида фаолиятини давом эттириши мумкин.

Бу ҳақда испан ОАВлари хабар бермоқда.

Каталониянинг “Барселона” клуби ушбу юлдузни сотиб олишга жиддий қизиқиш билдирмоқда.

Янада аниқроғ айтилса, 23 ёшли футболчини сотиб олишни шахсан “Барса” бош мураббийи Ханс-Дитер Флик талаб қилмоқда.

Германиялик мутахассис “Барселона” раҳбариятига Мендешни харид қилишни сўраб мурожаат қилгани айтилмоқда.

Transfermarkt портали экспертлари баҳосига кўра, португалиялик ҳимоячининг бозор қиймати 75 миллион еврони ташкил этади.

Ҳимоячи билан Париж гранди ўртасидаги амалдаги шартнома 2029 йил июнь охиригача мўлжалланган.