Флик “Реал” устидан қозонилган ғалабадан кейин “Барса”га катта ўйинчини олиб келмоқчи

“Барселона” Испания Суперкубогида “Реал”ни мағлуб этганидан кейин клуб раҳбариятидан катта трансферни амалга оширишни сўради.

Германиялик мутахассис шогирдлари орасида “Манчестер Юнайтед”да ишлари юришмай қолган Маркус Рэшфордни кўрмоқчи.

Англиянинг ҳужумчининг универсаллигини юқори баҳолаётган Ханси Флик “Бавария”да ишлаган даврдаёқ Рэшфорд билан ҳамкорлик ўрнатишга ҳаракат қилган эди.

“Барселона” раҳбарларининг ҳаммасига ҳам Фликнинг талаби маъқул келгани йўқ. Айрим мутасаддилари Рэшфорднинг инглизчадан бошқа тилда гаплаша олмаслиги клубнинг ички муҳитига таъсир қилишини таъкидламоқда. “Барселона” ўйинчилари орасида инглиз тили мулоқот тили ҳисобланмайди.