Florentino Peres "Barselona"ni "Negreyra ishi" uchun tanqid qildi

Madridning "Real" klubi prezidenti Florentino Peres "qirollik klubi" yig‘ilishida so‘zga chiqib, "Barselona"ni "Negreyra ishi" uchun tanqid qildi.

"Barselona" kamida sakkiz yil davomida hakamlar korpusi vitse-prezidentiga 28 mln evrodan ko‘proq to‘lagani normal holat emas. Qanday sabab bo‘lishidan qat’i nazar, bu normal holat emas. U hakamlik tizimida asosiy funktsiyalarga ega edi, jumladan, lavozimni ko‘tarish va pasaytirish. Bularning barchasi tasodifan "Barselona" uchun mamlakatimizdagi eng muvaffaqiyatli davrga to‘g‘ri keldi", - deya Peresning so‘zlarini keltirdi Sport.es.

Eslatib o‘tamiz, 2023 yilda "ko‘k-anorranglilar" Ispaniya Qirollik futbol federatsiyasida (RFEF) ishlagan Hakamlar texnik qo‘mitasi (CTA) sobiq vitse-prezidenti Xose Mariya Negreyraga pora berishda ayblangan edi. "Barselona" 2001 yildan 2018 yilgacha ko‘rsatilgan to‘lovlarni amalga oshirganlikda ayblangan.

"Barselona"ning so‘zlariga ko‘ra, klub Negreyrani hakamlik bo‘yicha texnik hisobotlarni tuzish uchun tashqi maslahatchi sifatida yollagan. 2024 yilda Ispaniya sudi "Barsa" va uning bir qancha amaldagi va sobiq prezidentlaridan poraxo‘rlik ayblovlarini olib tashladi va Negreyra Ispaniya qonunchiligiga ko‘ra davlat xizmatchisi hisoblanmaydi, deb qaror qildi.