Фоден: "Биз ҳозир аниқ тўғри йўналишдамиз"

"Манчестер Cити" ҳужумкор ярим ҳимоячиси Фил Фоден бош мураббий Хосеп Гвардиоланинг ушбу мавсумдаги ўйини ҳақида гапирди. "Шаҳарликлар" ўтган мавсумни ёмон ўтказди, аммо ҳозирда натижалар қониқарли даражада.

"Менимча, Гвардиола "Манчестер Cити"ни эски ҳолатига қайтарди ва ўйинчиларни бирлаштирди. Шунингдек, жамоага янги ўйинчиларни ҳам жалб қилди ва биз ҳозир аниқ тўғри йўналишдамиз", деди англиялик футболчи.

Маълумот учун, Гвардиола шогирдлари 21 ўйиндан сўнг Премьер-лига жадвалида иккинчи ўринда турибди ва етакчи "Арсенал"дан олти очко ортда қолмоқда.