Формула-1 саралаш босқичига ўзгаритириш киритилди

Халқаро автомобиль федерацияси (FIA) Формула-1 мусобақасининг 2026 йилги мавсуми учун саралаш форматига ўзгартиришлар киритди. Тузатиш пелотоннинг кенгайиши билан боғлиқ: чемпионатга 11-жамоа - "Кадиллак" кирди.

Янгиланган регламентга кўра, энди 1- ва 2-чорак якунларига кўра, энг ёмон вақт кўрсатган беш эмас, олти нафар пойгачи саралашни тарк этади. Шу билан бирга, Q3 финал сегментида аввалгидек 10 нафар ҳайдовчи иштирок этади.

Шунингдек, саралашнинг ҳал қилувчи қисмининг давомийлиги ҳам узайтирилди: эндиликда 12 дақиқа ўрнига 13 дақиқа давом этади. Q2 ва Q3 ўртасидаги танаффус саккиз дақиқадан етти дақиқагача қисқартирилди.