Франция ўз услубида, Португалия эса ирода намойиш қилди

"Евро-2024"нинг нимчорак финалидан ўрин олган учрашувлар давом этади. Франция Бельгияни, Португалия эса Словенияни мағлуб қилиб, чорак финалга йўл олди. 

Франция - Бельгия ўйинида французлар устунликка эга бўлишди ва ҳақли тарзда зафар қучди. Бельгия эса ўйин давомида 5 марта зарба берган бўлса, шулардан 2 таси дарвоза томон аниқ борди. Лукаку ҳам ўз услубида. Дешам шогирдлари кетма-кет ҳужумлардан кейин гол уришга муваффақ бўлди. 85-дақиқада Канте Бельгия жарима майдончаси ичида турган Муанига тўпни узатди ва Коло зарба йўллади. Тўп эса Вертонгенга тегиб, дарвоза тўридан жой олди. Шу тариқа, Франция чорак финалига чиқди.

Португалия Словенияга қарши баҳсда ирода намойиш қилди. Ўйиннинг асосий ва қўшиб берилган дақиқаларида голлар урилмади. Аммо Роналду буни амалга ошириш имкониятга эга бўлди. 105-дақиқада Жотага нисбатан ўйин қоидаси бузилди ва пенальти белгиланди. Облак эса Кришитианунинг зарбасини қайтарди. Шундан кейин 39 ёшли футболчининг ўзи ҳам ғалабага ишонмаган шекилли, йиғлаб юборди. 

Пенальтилар сериясида Кошта катта саҳнага чиқди. Дарвозабон словенияликларнинг 3 та пенальтисини қайтариб, жамоасини чорак финалга олиб чиқди. Шу билан бирга, серияда Роналду ҳам гол уришга муваффақ бўлди. 

Чорак финалда Португалия - Франция тўқнашувини томоша қиламиз. Ўйин 6 июль куни бўлиб ўтади.