Франциянинг машҳур клуби шифокори коронавирусга чалингач ўз жонига қасд қилди

Франциянинг “Реймс” клуби шифокори Бернар Гонсалес ўз жонига қасд қилди. Бу ҳақда Le Parisien нашри хабар тарқатмоқда.

Юқоридаги манбага кўра, 60 ёшли врач коронавирусга чалинган ва хотини билан карантинга олинган эди.

Реймс шаҳри мэри Арно Робине шифокорнинг ўлими сабабларини ошкор қилишдан бош тортди. Бироқ, Le Parisien нашрининг ёзишича, Гонсалес ўлимидан олдин қолдирган хабарида ўз жонига қасд қилиши COVID-19 вирусига чалингани билан боғлиқ эканини тушунтириб ўтган.

Айни дамгача Францияда коронавирус билан боғлиқ 90 087 та ҳолат қайд этилган. Шуларнинг 7 562 нафари вафот этган.