"Freestyle Chess-2025". Синдаровда дуранг, Абдусатторов эса Карлсенга ютқазди

Хабарингиз бор, бугун Германиянинг Вайсенхаус шаҳрида "Freestyle Chess-2025" турнири бўлиб ўтмоқда. 

Унда ҳамюртларимиз Нодирбек Абдусатторов ва Жавоҳир Синдаров қатнашмоқда. Мусобақанинг айланма тизими якунланди. Бугун чорак финал биринчи ўйинлари бўлиб ўтди. 

Жавоҳир Синдаров америкалик Ҳикару Накамура билан беллашиб, дуранг қайд этди. Нодирбек Абдусатторов эса Магунс Карлсенга имкониятни бой берди. Бундан ташқари, Винсент Кеймар Алиреза Фмрузжани, Фабио Карауна Гукешни таслим этди.

Эслатиб ўтамиз, мукофот жамғармаси 750 минг долларни ташкил қилувчи турнир 17 февралга қадар бўлиб ўтади.