"FUJAIRAH GLOBAL Chess Championship". Ҳиндистонлик ва БАА вакиллари билан ҳисоб-китоб - ўзбекистонлик спортчиларнинг бугунги рақиблари кимлар?

Бирлашган Араб Амирликларининг Фужайра шаҳрида биринчи бор ўтказилаётган "Fujairah Global Chess Championship 2025" нуфузли мусобақаси давом этади. Ушбу катта турнирда Ўзбекистон шарафини бир қатор ёшларимиз ҳимоя қилмоқда. Бугун 6-тур ўйинлари бўлиб ўтади.

"Masters" гуруҳида  қатнашаётган Шермуҳаммадов Самандар бугун ҳиндистонлик Санкет Чакравартй билан беллашади. У ўтган турда эронлик Алинасаб Мобинага қарши қора доналарда ўйнади ва ғалаба қилган эди.

"Open" гуруҳи

Абдулазизов Асилбек бугун қатарлик Ал-Жанаҳи Ибраҳим билан беллашади. У ўтган турда оқ доналарда ҳиндистонлик Нишита Картҳик билан ўйнаганди ва қийинчилик билан ғалабани тантана қилганди.

Абдулазизов Асадбек 6-турда ҳинд спортчиси Никҳил Сирирам билан баҳсга киришади. Унинг ўтган турдаги рақиби Сулейманова Ава бўлди ва муроса кўчаси танланди.

Абдурасулов Музаффаржон филлипинлик Рамеш Раж билан партияга киришади. Музаффаржон ўтган турда ҳиндистонлик Кригна Бомми билан кураш олиб бориб, мағлубиятга учради.

Абдулазизова Асмирахоннинг бугунги рақиби ҳиндистонлик Адваитҳ Правеен бўлади. Асмирахон ўтган турда оқ доналарда ҳиндистонлик Даҳвид Сиби Курисинкал билан омадсизликка учраганди. 

Абдулазизова Асминахонга ўтган турда ҳам бироз омад етишмади. Маҳаллий Аммар Абдулла билан қийин партияда мағлубиятга учраган вакиламиз бугун ҳам БАА вакили Моҳамед Алмаене билан беллашади. 

Эслатиб ўтамиз, мусобақа 1-сентябрга қадар давом этади. Барча иштирокчиларимизга омад тилаймиз!