Футболчи бошига бахт қуши қўнди. “Барса” уни кутмоқда

“Барселона” бош мураббийи Хави Эрнандес жамоа ҳужумкорлигини ошириш учун Франция чемпионати тўпурарларидан бири Виссам Бен-Йеддерни таклиф қилмоқчи. Бу ҳақда L'Equipe нашри хабар тарқатди.

Аслида каталонияликлар бу ўйинчини 2016-2019 йиллар давомида “Севилья”да ўйнаган даврдан бери кузатиб келади. “Монако” уч йил муқаддам бу футболчи трансфери учун 40 миллион евро тўлаган.

Виссам “Тулуза” жамоаси тарбияланувчиси ҳисобланади.

31 ёшли ҳужумчининг “Монако” билан яна икки йиллик шартномаси бор. Каталонияликлар уни олиш учун 25 миллион евро атрофида маблағ бериши керак. Бен Йеддер якунланган мавсумда барча турнирларда 52 та учрашувда майдонга тушиб, ўз номига 32 та гол ва еттита ассист расмийлаштирди.