Футболчи мундиалдаги жароҳати сабабли беш ойга сафдан чиқди

Канада терма жамоаси ярим ҳимоячиси Исмаэль Коне жаҳон чемпионатининг гуруҳ босқичи иккинчи туридан ўрин олган Қатарга қарши ўйинда жиддий жароҳат олди.

Машҳур инсайдер Фабрицио Романо ижтимоий тармоқлар орқали тарқатган маълумотга кўра, 24 ёшли футболчида оёғининг икки қисми — кичик ва катта болдир суяклари сингани аниқланган. Коне жарроҳлик амалиётини бошдан кечиради ва тахминан беш ой майдонга туша олмайди.

Эслатиб ўтамиз, Канада терма жамоаси ушбу учрашувда Қатарни йирик ҳисоб — 6:0 билан мағлуб этган эди.

Мундиал мезбонлари тўрт очко билан ўз гуруҳида пешқадамлик қилмоқда. Гуруҳ босқичининг сўнгги турида Канада 24 июнь куни Швейцария терма жамоасига қарши майдонга тушади.