Футболчи ўйин вақти оламдан ўтди

Бурунди чемпионати иккинчи дивизионининг «Гепье дю Лак» клуби футболчиси Игиранеза Айме Герик ўйин вақтида фожиали тарзда ҳалок бўлди.

Бу ҳақда Sport News Africa нашри хабар берди.

Ҳодиса Нгараге шаҳрида бўлиб ўтган Бурунди чемпионатининг “В” лигаси доирасидаги учрашуви давомида содир бўлган. Герик майдонда тўсатдан ҳушидан кетган. Тиббий гуруҳлар аралашувига қарамай, футболчи шифохонага олиб кетилаётган пайтда вафот этди.

Манба маълумотларига кўра, ўлим сабаби ярим ҳимоячи оғзида содиб олган ва тасодифан ютиб юборган танга бўлган. Тахмин қилинишича, бу танга марҳум ўйинчига омад келтириш учун ишлатиладиган тумор бўлган.

Бурунди футбол федерацияси футболчининг оиласи ва клубига таъзия билдириб, расмий  баёнот эълон қилди, бироқ ўлим сабабини кўрсатмади.