Футзал ЖЧ-2024 ярим финал баҳслари олдидан ўтказиладиган матбуот анжуманлари жадвали

Юртимиз мезбонлигида ўтказилаётган футзал бўйича Жаҳон чемпионати- 2024 чорак финал баҳслари якунига етди ва барча ярим финалчилар номи аниқланди.

Бугун, 1 октябрь куни ярим финалга йўлланма олган 3та терма жамоа расмийлари иштирокида матбуот анжуманлари ўтказилиши режалаштирилган. Унга кўра, дастлаб соат 15:05да Украина терма жамоаси бош мураббийи Александр Косенко ҳамда терма жамоа сардори Пётр Шотурма оммавий ахборот воситалари вакиллари саволларига жавоб беришса, соат 16:35да старт олиши кўзда тутилган ўйинолди матбуот анжуманида Бразилия терма жамоаси расмийлари – бош мураббийи Хавьер Маркиньос ҳамда жамоа футзалчиси Марсел иштирок этишади.

Шунингдек, бугун ўтказилиши режалаштирилган сўнгги матбуот анжумани соат 18:05да старт олади ва унда Аргентина терма жамоаси бош мураббийи Матиас Люсиус ҳамда терма жамоа футзалчиси иштирок этиши режалаштирилган.

Яна бир ярим финалчи – Франция терма жамоаси расмийлари иштирокидаги матбуот анжумани еса эртага, 2 октябрь куни ўтказилиши режалаштирилган. Ушбу матбуот анжумани соат 14:05да старт олади.

Эслатиб ўтамиз, матбуот анжуманлари "Ҳумо Арена"да ташкил этилади.