Футзал. Вакилларимиз учинчи ўйинда Тожикистон терма жамоасини тор-мор келтирди

Футзал бўйича Ўзбекистон миллий терма жамоаси ўртоқлик ўйини доирасида майдонга тушди. Унда вакилларимиз яна қўшни Тожикистон терма жамоаси билан ўйнаб, йирик 5:1 ҳисобида зафар қучди. 

Ҳамюртларимиздан голларга Акбар Усмонов (дубль), Шаҳрам Фаҳриддинов, Ҳусниддин Нишонов ва Дилшод Раҳматов муаллифлик қилди. Меҳмонлар сафида ягона гол Идрис Ёров ҳисобига қайд этилди. 

Шу тариқа, вакилларимиз Тожикистон терма жамоаси билан ўтказилган 3 та ўйинда 2 дуранг ва 1 ғалаба қайд этди.