G‘alaba qozongan "Siti" kuchli uchlikka kirib oldi

Angliya Premer-ligasi 18-turidan o‘rin olgan "Manchester Siti" - "Brayton" uchrashuvi o‘z yakuniga etdi. "Etihad" stadionida bo‘lib o‘tgan o‘yin mezbonlarning 1:0 hisobidagi g‘alabasi bilan yakunlandi.

"Shaharliklar" Fil Fodenning birinchi bo‘lim yakunida urgan goli evaziga g‘alaba qozondi. 3 raqibi qurshovida qolib ketgan yosh iste’dod aniq zarbasi bilan jamoasiga muhim 3 ochko keltirgan golga mualliflik qildi. Shuningdek, referi tomonidan asosiy vaqtga qo‘shib berilgan daqiqalarda penalti belgilandi. Uni zaxiradan o‘yinga qo‘shilgan Sterling noaniq amalga oshirdi.

Shu tariqa, manchesterliklar ochkolari sonini taga etkazib, 3-o‘ringa ko‘tarilib oldi. Mehmondan quruq qo‘l bilan ortga qaytadigan "Brayton" 14 ochkosi bilan 17-pog‘onada qoldi.

• 90+3'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+2'

  Тўп қаршисига келган Стерлинг ноаниқ зарба берди. Тўп тўсин юқорисидан ўтиб кетди.

• 90+1'
  

  Жарима майдони ичида Де Брюйне дарвозабон томонидан қоида бузиш эвазига тўхтатилди. Ҳакам нуқтага ишора қилди.

• 90'
  

  Ўйиннинг асосий вақтига 3 дақиқа қўшиб берилди.

• 88'
  

  "Брайтон" футболчиси бурчак зарбасидан ноаниқ узатма амалга оширди. Тўп ҳаводаёқ майдон ташқарисига чиқиб кетди

• 86'
  

  Троссард захирага олинди. Унинг ўрнига Юсуф Хадра майдонга тушди.

• 84'

  Шеригининг узатмасига Стерлинг бироз ета олмади.

• 82'
  

  Фоден ўз ўрнини Стерлингга бўшатиб берди.

• 80'

  Нил Мопе қулай позициядан зарба йўллай олмади.

• 78'
  

  Адам Вебстер огоҳлантирилди.

• 75'

  "Сити" майдон марказида тўпни назорат қилмоқда.

• 72'

  Меҳмонлар ўйин ҳисобини тенглаштириш мақсадида тинмай ҳужумга ўтяпти.

• 69'
  

  Перси Тау ҳамда Прёппер ўрнига Мопе ва Марч ўйинга қўшилди.

• 67'
  

  Рияд Маҳрез ўз ўрнини Габриэль Жезусга бўшатиб берди.

• 66'
  

  Де Брюйненинг ўткир бурчакка йўллаган зарбасини бу сафар ҳам дарвозабон бартараф этди.

• 65'
  

  Икки рақибини алдаб, жарима майдонига ёриб кирган Канселунинг зарбасини Санчес қайтарди.

• 62'
  

  Фоденга нисбатан қоида бузган Велтман огоҳлантирилди.

• 61'

  Прёппер тўпга бироз ета олмади. Акс ҳолда, у тўпни дарвозага киритиши мумкин эди.

• 59'
  

  Бернардунинг яқин масофадан йўллаган зарбасини дарвозабон қайтарди.

• 58'

  Маҳрезнинг зарбаси устун ёнгинасидан ўтиб кетди.

• 56'
  

  Прёппернинг зарбасини Эдерсон ушлаб олди

• 54'

  Сўнгги 4-5 дақиқа ичида меҳмонлар анча фаоллик қўшди. Мезбонлар тўпни шунчаки тепиб юборишга мажбур бўлмоқда.

• 52'

  Зинченко огоҳлантирилиши мумкин эди. Рефери уни аяди.

• 50'
  

  Стоунз рақиб жарима майдони ичида йиқилиб тушди. Ҳакам ҳозирча, жим.

• 48'

  "Шаҳарликлар" иккинчи 45 дақиқаликни ҳам фаоллик билан бошлади.

• 46'
  

  Иккинчи бўлим бошланди!

• 46'

  Футболчилар майдонга қайтди. Биз ҳам қайтамиз!

• 45+1'
  

  Танаффус!

• 45'
  

  Биринчи таймга 1 дақиқа қўшиб берилди.

• 44'
  

  ГООООООООООЛЛЛЛЛЛЛ! "Сити" ҳисобни очди!

  Бир рақибини алдаган Фоден яқин бурчакка аниқ зарба йўллаб, дарвозабонни ожиз қолдирди.

• 43'

  "Брайтон" ҳимоячилар рақибнинг жарима майдони ичига оширган кетма-кет тўпларини қайтармоқда.

• 41'

  Гюндоганнинг зарбаси ноаниқ кетди.

• 40'
  

  Тезкор қарши ҳужумга ўтган Де Брюйненинг кучли зарбасини дарвозабон қайтарди.

• 38'

  Фоденнинг жарима майдони марказига узатган тўпини Данк узоқлаштирди.

• 36'
  

  Бурчак тўпини комбинация билан ўйинга киритган "шаҳарликлар" ҳужумдан наф чиқара олишмади.

• 34'

  Родри ўйиндан ташқари ҳолатда қолиб кетди.

• 32'

  Маҳрез жарима майдони ичида тўпни ўзига бўйсундира олмади.

• 30'

  Де Брюйненинг кучли зарбасини Вебстер қайтарди. Қулай имконият қўлдан кетди.

• 28'

  Вебстер ўз дарвозабони томон узатган тўпни Санчес ушлаб олгани учун ҳакам "Сити"га эркин зарба йўллаш имкониятини тақдим этди.

• 26'

  Троссард тўпга бироз эта олмади ва ҳужумда қоида бузди.

• 24'

  Маҳрез ва Бернарду жамоасининг навбатдаги ҳужуми барбод бўлишига сабаб бўлди.

• 22'
  

  Маккалистер воқеалар ривожидан бироз илгарилаб кетди.

• 20'

  Зинченконинг жарима майдонига узатган тўпини Санчес ушлаб олди.

• 19'

  Троссарднинг зарбаси бироз ноаниқ кетди.

• 16'

  Меҳмонлар рақибга бўш келмоқчи эмас. Улар ҳам тўпга эгалик қилишга уринмоқда.

• 14'
  

  Гюндоган билан ажойиб комбинация уюштирган Де Брюйне яқин масофадан зарба берди. Дарвозабон ўз ўрнида.

• 11'
  

  Канселу билан тўқнашиб кетган Уайтга тиббий ёрдам кўрсатилди.

• 9'

  Жарима майдони ичида Велтман тўпни қўли билан ўйнагандек кўринди. Бироқ ҳакам ўйинни давом эттиришга рухсат берди.

• 7'

  "Сити" илк хавфли вазиятни яратди: Зинченконинг зарбаси ҳимоячидан ўтмади.

• 5'

  Мезбонлар тўпсиз қолган пайтда, эрта прессинг уюштирмоқда.

• 3'

  Ўз одатига кўра, Гвардиола шогирдлари дастлабки дақиқалардан тўп назоратини қўлга олди.

• 1'
  

  Учрашув бошланди!