"Галатасарай" футболчиси собиқ клубига қайтиши мумкин

"Галатасарай" ярим ҳимоячиси Райан Бабель "Аякс"га қайтиши мумкин. Футболчи айни шу клубда ўз фаолиятини бошлаган эди.

Амстердамликлар турк клуби билан 33 ёшли футболчини ижарага олиш бўйича музокараларга киришишмоқчи.

Голландияликларнинг бундай қарорга келишига Куинси Промес, Давид Нерес ва Закари Лабьяднинг жароҳатлари сабаб бўлган. Ўз навбатида Истамбулликлар молиявий муаммолар сабаб ушбу келишувга рози бўлиши мумкин.