Гана терма жамоаси “калла” қўйди!

Гана терма жамоаси бутун бошли делегация билан Қатарга учиб келди, аммо уйда бир нарса қолиб кетган эди. Сезганингиздек, ЖЧ иштирокчиси ўзининг асосий либосларини (эпикировкасини) тўлиқлигича ўз юртида ташлаб келган. Энг қизиғи шундаки, орадан анчагина вақт ўтгачгина жамоанинг “формаси” ёддан кўтарилгани пайқаб қолинган. Бу ҳолат биринчи маротаба кузатилмаяпти…

Ўзи нима бўлган эди?

Воқеа ҳақида Ганадаги таниқли журналист – Франк Даркуа ўзининг твиттердаги саҳифасида ёзди. Жамоа администратори ишлар билан чалғиб қолиб, формаларни Ганада қолдириб келган экан. Қандай қилиб улкан багажни ташлаб келиш мумкинлиги ҳақида батафсил маълумот йўқ. Жамоа ўзининг Португалия билан ўйинига қадар либослари етиб келиши билан давлат ҳафсизлик ҳизмати ва элчилар шуғулланишига тўғри келди.

Бунақаси аввал ҳам бўлганми?

2004 йил Грецияда бўлиб ўтган Олимпиада ўйинларида Гана футбол расмийларидан бири – Кофи Нсиа маҳаллий бренд – “Мингле”дан жамоа либосларини олади ва аэропортга етказади. Ўша куни тунда Лондон орқали Афинага ГФА вакили учиб кетиши керак эди. Нсиа юкни айнан ҳамкасбининг номига расмийлаштиради. Бундан бехабар расмий Лондонга учиб келди ва қўлидаги шахсий чамадонини олиб Афинага кетаётган самалётга ўтириб ҳавога кўтарилди.

Италияга қарши илк ўйин олдидан ўтказилган матбуот анжуманида Гана устози ўз фикрлари билан ўртоқлашди. Кейин жамоалар  администраторлари эртанги ўйинда қандай рангдаги либосларда ҳаракат қилиш борасида келишиб олиши керак эди. Жамоанинг эпикировкаси йўқ эканлигини билгач, бош мураббий шогирдлари тўлиқ сариқ либосда ҳаракат қилишини айтади. Наъмуна сифатида олинган футболка меҳмонхонада қолиб кетгани рўкач қилиб кўрсатилади.

Ўйин бошланишига бир кун қолган. Либослар ҳеч қаерда йўқ. Шу пайт ёрдамга Нике компаниясида ишлайдиган мураббийнинг яқини келади. Компания чорасиз қолган жамоага сариқ футболкаларни (машғулот учун ишлаб чиқарган) совға қилади. Шунга қарамай, муаммо бартараф этилгани йўқ. Шорти, гедри ва либослардаги рақамларнинг йўқлиги боис жамоа мутасаддилари изланишга берилиб кетди. ГФА витса-президенти Фред Паппонинг шахсан ўзи Греция кўчаларида сариқ рангдаги шорти ва гедриларни излашга тушди. Жамоа жойлашган шаҳарчада бундай дўкон йўқлиги боис, Фред таксида Афинага йўл олади. У Пойтахтга кеч кирганда етиб келгани боис, ўзи истаган нарсалар сотиладиган докон беркилиб қолган эди. Ўша оқшом меҳмонхонада қолгач, тонгги соат 5 да докон олдига келиб ўтиради. Жамоаси учун керакли барча нарсани олгач, ортга шошилади. Ўйин бошланишига 2 соат қолган бир пайтдагина қаҳрамонимиз қўлида катта чамадонлар билан стадионга етиб келади.

Гана терма жамоаси, ваъда қилинганидек тўлиқ сап-сариқ либосда майдонга чиқади. Гуруҳ босқичидаги иккинчи ўйинда жамоа ўзининг оргинал футболкаларида иштирок этади. Сариқ, қора ва қизил рангдан иборат эпикировка кўпчиликнинг эътиборини ҳам тортмагани аниқ, аммо биринчи ўйиндаги ғалати комплект тарихда абадий қолади.

Я . У