Гандбол бўйича Ўзбекистон чемпионати бошланди

Термиз шаҳрида гандбол бўйича 20 ёшгача бўлган ўғил ва қизлар ўртасида Ўзбекистон чемпионати бошланди.

Чемпионат учрашувларида Қорақалпоғистон Республикаси, Тошкент шаҳри ҳамда вилоятлардан сараланган жамоалар ғолиблик учун баҳслашмоқда. Ўзбекистон Республикаси Спорт вазирлиги, Ўзбекистон гандбол федерацияси ҳамкорлигида ташкил этилган навбатдаги Ўзбекистон чемпионати 20 ёшгача бўлган ўғил ҳамда қизлар ўртасида жисмоний қобилият эгаларини аниқлашда муҳим омил бўлмоқда.

Қизғин баҳсларга бой бўлган Ўзбекистон чемпионати 19 декабр кунига қадар давом этади.