Гарет Бэйл "Реал"га қайтиши мумкин

Уэльслик ярим ҳимоячи Гарет Бэйл яна "Реал" либосида майдонга тушиши мумкин.

As нашри футболчининг яқинлари маълумотига таянган ҳолда, Бэйлнинг Мадрид клубига қайтиш имкониятларини ўрганиб чиқди.

Агар жамоа бош мураббийи Зинедин Зидан "қаймоқранглилар" таркибини тарк этадиган бўлса, унда уэльслик футболчининг ортга қайтиш эҳтимоли ортади. Бироқ, "Реал" раҳбарияти Бэйл борасида аниқ бир қарорга келгани йўқ. Мавсум якунигача футболчи "Тоттенхэм"да ўзини яхши кўрсатадиган бўлса, клуб уни трансферга қўяди. Акс ҳолда, хавбек яна бир мавсум "шпорлар" сафида ижарада тўп суриши мумкин.