Гари Невилл АПЛ ўйинларини бошқа мамлакатда ўтказишни таклиф қилмоқда

"Манчестер Юнайтед" клуби собиқ ҳимоячиси, айни дамда эса телеэксперт ҳисобланган Гари Невилл АПЛнинг қолган учрашувларини Буюк Британиядан ташқарида ўтказишни таклиф қилмоқда. Айтиш керакки, айни дамда ушбу мамлакатда Covid-19 билан боғлиқ 170 мингдан ортиқ ҳолат қайд этилган.

“Агар биз ўйинларни хавфсиз муҳитда ўтказишни хоҳласак, уларни коронавирусдан ҳоли мамлакатларга кўчиришимиз керак. Европада пандемия билан боғлиқ муаммолар бўлмаган бир нечта жойлар бор. Улар премьер-лига ўйинларини қабул қилишлари мумкин”, - дейди Невилл.

Эслатиб ўтиш лозимки, АПЛ ўйинлари 29-турдан бошлаб номаълум муддатга тўхтатиб қўйилган эди. Мавсум якунланишига эса яна 9 та тур бор.

Матнда хатолик топсангиз, ўша хатони белгилаб, бизга жўнатинг (Ctrl + Enter)