Гаттузо Каннаваронинг Ўзбекистонга келишига ҳазил билан муносабат билдирди

Италия терма жамоаси бош мураббийи Женнаро Гаттузо Фабио Каннаваронинг Ўзбекистон терма жамоасига мураббий этиб тайинлангани ҳақида ҳазиллашди.

2006 йилги "Олтин тўп" соҳиби 6 октябрь куни Ўзбекистон терма жамоасини қабул қилиб олди ва ЖЧ-2026да жамоани бошқаради.

"Мен унга ёзмадим, тўғридан-тўғри қўнғироқ қилдим, гаплашдим. Мен: "Қандай қилиб? Сен атир сепиб, сочингга гель суртиб, Жаҳон чемпионатига кетяпсан. Мен эса бу ерда жанг қилиб юрибман", - деди Италия терма жамоаси бош мураббийи.

11 октябрь куни италияликлар ЖЧ-2026 саралашида Эстония терма жамоасига қарши майдонга тушади.