Гаттузо "Милан"га фақат бир шарт билан қайтиши мумкин

"Милан" клуби собиқ бош мураббийи Женнаро Гаттузо тез орада яна “россонерилар” бошқарувини ўз қўлига олиши мумкин.

Corriere dello Sport нашри тарқатган хабарга кўра миланликлар раҳбарияти жамоанинг амалдаги устози Марко Жампаолонинг фаолиятидан норози бўлмоқда ва шу боис унинг ўрнига янги мураббий олиб келишни режалаштирмоқда.  41 ёшли Гаттузо эса ушбу лавозимга асосий даъвогар сифатида эътироф этилмоқда.

Ўз навбатида Гаттузо ҳам “Милан”га қайтишга қарши эмас, фақат у ортга қайтиши учун жамоанинг техник директори Паоло Мальдини истеъфога чиқарилиши керак.

Маълумот учун, “Милан” А Сериянинг ўтган 6 та туридан сўнг 6 очко жамғарган ҳолда мусобақа жадвалида 13-ўринда боришмоқда.