Германия 2038 ёки 2042 йилда футбол бўйича жаҳон чемпионатига мезбонлик қилишни кўриб чиқмоқда

«Айнтрахт» клуби бош директори ва Германия футбол иттифоқи ижроия қўмитаси аъзоси Аксель Хельманн маълум қилишича, мамлакатда 2038 ёки 2042 йилги футбол бўйича жаҳон чемпионатига мезбонлик қилиш учун расмий ариза бериш масаласи муҳокама қилинмоқда.

Хельманннинг таъкидлашича, бундай ташаббусга Германия футбол иттифоқи ва унинг раҳбариятида қизиқиш бор. Бироқ якуний қарор ФИФА томонидан белгиланадиган ариза қабул қилиш тартиби ва муддатларига боғлиқ бўлади.

Келаси бир неча жаҳон чемпионатлари мезбонлари аллақачон аниқланган. ЧМ‑2030 Испания, Португалия ва Марокашда ўтказилади, айрим учрашувлар Жанубий Америкада бўлиб ўтади. ЧМ‑2034 эса Саудия Арабистонида ташкил этилиши режалаштирилган.

2026 йилги жаҳон чемпионати Мексика, АҚШ ва Канадада ўтди. 2022 йилдаги мусобақа Қатарда, 2018 йилги чемпионат эса Россияда ташкил этилган эди.

Икки йил аввал Германия Европа чемпионатига мезбонлик қилган. Немис терма жамоаси 2014 йилда жаҳон чемпиони бўлган.