Германияда "МЮ" футболчисини кутишмоқда

Бундеслигада иштирок этаётган Мюнхенгладбахнинг "Боруссия" жамоаси таркибини кучайтириш мақсадида "Манчестер Юнайтед"дан футболчи олишга қарор қилди.

Германияликлар манчестерликларнинг 19 ёшли ҳимоячиси Тимоти Фосу-Менса бўйияча таклиф билдиришга ҳозирлик кўрмоқда. Бу футболчи ёзда "Челси"га қайтадиган Андреас Кристенсеннинг ўрнини босиши керак.

"Манчестер Юнайтед" учун еттита расмий учрашувда майдонга тушган Тимоти Фосу-Менсанинг трансфери бир миллион еврога баҳоланмоқда.

SPORTS.uz