Германиядаги “юлдузча” кўпчиликни безовта қиляпти

Жорий мавсум Бундеслигада яна бир истиқболли ўйинчи кашф қилинди. Германиянинг амалдаги чемпиони “Бавария”да тўп тепаётган 17 ёшли Леннарт Карл немис футболининг келажаги, деб эътироф этиляпти.

Карлнинг ёши, ўнг қанотдаги ҳаракатчанлиги, ҳужумдаги қобилияти ва шу каби хислатлари уни келажакда трансфер учун жозибали номзодга айлантирмоқда

Ёш футболчининг ўйинлари дарров қитъанинг гранд клублари эътиборини тортгани ҳам бор гап. Айниқса, ёшлар билан ишлашни маъқул кўрадиган Микель Артета Леннартни “Арсенал”га таклиф қилиш ниятида.

Аммо “Арсенал”дагилар ҳам бу трансферни амалга ошириш жуда қийин бўлишини тан олмоқда.

Шунга қарамай, “канонирлар” истиқболли ёш футболчиларни жалб қилиш ва уларни асосий ролга тайёрлашни клуб стратегик режасининг бир қисми сифатида кўради. Экспертлар Леннарт Карл ана шундай профилга мос келишини таъкидлаяпти.