Германияни яна бир юлдуз тарк этади

“Реал” ярим ҳимоячиси Тони Кроос яқинда бошланадиган Европа чемпионатидан кейин Германия терма жамоасидаги фаолиятини якунлашни ўйлаётганини маълум қилди.

- Якуний қарорни Европа чемпионатидан кейин қабул қиламан. Бу масала турнирдан кейин пухта ўйлаб, бош мураббий билан суҳбатлашиб, кейин ҳал этишим керак, - деди Тони Кроос.

Тажрибали ярим ҳимоячи 2010 йилдан бери ўз мамлакати бош жамоаси шарафини ҳимоя қилиб келмоқда. У Германия терма жамоаси учун 101 та учрашувда майдонга тушиб, 17 та гол урган. Халқаро фаолияти давомида жаҳон чемпионати ғолиби ва совриндори, Европа чемпионати бронза медали соҳиби бўлган.

Фикрлар

Фикр қолдириш учун авторизациядан ўтинг!