"Golden Boy" соҳиби "Манчестер Сити"да ўйнаши мумкин

ПСЖ клуби вингери Дезире Дуэ фаолиятини Англия Премьер-лигасида давом эттириши мумкин.

"Fichajes" нашри берган хабарларга кўра, франциялик футболчининг хизматларига Англиянинг "Манчестер Сити" жамоаси жиддий қизиқиш билдирмоқда. "Шаҳарликлар" Дуэ учун 114 миллион евродан воз кечишга тайёр. 20 ёшли футболчи ўзини Парижда бахтли эканини айтган бўлса-да, АПЛда ўзини синаб кўришга қарши эмас. Футболчининг ПСЖ билан амалдаги шартномаси 2029 йилнинг ёзида якунига етади.

Маълумот учун, 2025 йилнинг энг яхши ёш футболчиси, жорий мавсумда барча турнирларда умумий 8 та учрашувда майдонга тушиб, 3 та гол урди ва 3 голли узатмани амалга оширди.