Гондураслик собиқ бош ҳакам: "Месси бир сафар сариқ карточкага имзо қўйиб берганди"

Гондураслик собиқ бош ҳакам Саид Мартинес Лионель Мессининг сариқ карточкага автограф қўйганини эслади.

"Мен футболчилар билан суратга тушадиганлардан эмасман. Мен учун барча ўйинчилар бирдек ва ўйин пайтида ўз вазифамни бажараман.

Бир куни стадион ходими билан Месси иштирокидаги ўйинни текшираётган эдим. Ўша пайтда футболчи яқин орада тўпланиб қолган оломонга дастхат бераётган эди. Мен эса, Мексика ва Панама ўртасидаги КОНКАКАФ Олтин Кубоги финалида хизмат қилган сариқ карточкадан фойдаланишга қарор қилдим.

Аргентиналик юлдуздан эсдалик сифатида автограф сўрадим. Албатта ўзим учун эмас, балки 15 ёшли қизим учун эди. Карточкада "Сиҳам Мартинес учун. Севги билан Лео Месси" деган ёзув бор эди.

Бу нарса қимматли албатта. Чунки унда Мессининг асл имзоси бор. Бу бебаҳо ва бир умр эсда қоладиган воқеа бўлган эди", - деди гондураслик собиқ ҳакам.